Quando tal hondra me han dada los ifantes de Carrion.
¡Par aquesta barba que nadi no messo,
No la lograran los ifantes de Carrion!
¡Que a mis fijas bien las casare yo!
[CRONISTA]
2835 Peso a mio Çid y a toda su corte y Alvar Fañez, de alma y de
coraçon.
Cabalgo minaya con Pero Vermuez
Y Martin Antolinez, el burgales de pro,
Con dozientos caballeros, quales mio Çid mando.
Dixoles fuertemiente que andidiesen de dia y de noche,
2840 Aduxiesen a sus fijas a Valençia la mayor.
No lo detardan el mandado de su señor,
Apriessa cabalgan, los dias y las noches andan.
Vinieron a San Esteban de Gormaz, un castiello tan fuerte,
Hy albergaron por verdad una noche.
2845 A San Esteban el mandado llego,
Que vinia Minaya por sus primas amas a dos.
Varones de San Esteban, a guisa de muy pros,
Reçiben a Minaya y a todos sus varones,
Presentan a Minaya esa noche gran enfurçion;
2850 No se lo quiso tomar, mas mucho se lo gradio.
[MINAYA]
Graçias, varones de San Esteban, que sodes conoçedores,
Por aquesta hondra que vos diestes a esto que nos cuntio;
Mucho vos lo gradeçe, alla do esta, mio Çid el Campeador,
Asi lo fago yo, que aqui esto.
2855 Afe Dios de los çielos que vos de dende buen galardon.
[CRONISTA]
Todos se lo gradeçen y sus pagados son,
Adeliñan a posar para folgar esa noche.
Minaya va ver sus primas do son,
En el fincan los ojos doña Elvira y doña Sol.
[ELVIRA]
2860 Atanto vos lo gradimos como si viesemos al Criador,
Y vos a El lo gradid, quando vivas somos nos.
[SOL]
En los dias de vagar toda nuestra rencura sabremos contar.
[CRONISTA]
Lloraban de los ojos las dueñas y Alvar Fañez, 132
Y Pedro Vermuez otro tanto las ha.
[VERMUDEZ]
2865 Doña Elvira y doña Sol, cuidado no hayades,
90
|
|