Aguijan quanto pueden ifantes de Carrion;
Felos en Molina con el moro Abengalbon.
El moro quando lo sopo, plogole de coraçon,
Saliolos reçibir con grandes alborozes;
2650 ¡Dios, que bien los sirvio a todo su sabor!
Otro dia mañana con ellos cabalgo,
Con dozientos caballeros escurrirlos mando,
Iban troçir los montes, los que dizen de Luzon.
A las fijas del Çid el moro sus donas dio,
2655 Buenos seños caballos a los ifantes de Carrion.
Troçieron Arbuxuelo y llegaron a Salon,
Do dizen el Ansarera ellos posados son.
Todo esto les fizo el moro por el amor del Çid Campeador,
Ellos veien la riqueza que el moro saco.
2660 Entre amos hermanos consejaron traiçion.
[DIEGO]
Ya, pues, que a dexar habemos fijas del Campeador,
Si pudiesemos matar el moro Abengalbon,
Quanta riqueza tiene haberla iamos nos.
[FERNANDO]
Tan en salvo lo habremos como lo de Carrion,
2665 Nunca habria derecho de nos el Çid Campeador.
[CRONISTA]
Quando esta falsedad dizien los de Carrion,
Un moro latinado bien se lo entendio;
No tiene poridad, dixolo Abengalbon.
[MORO]
Alcayaz, curiate d'estos, ca eres mio señor.
2670 Tu muerte oi consejar a los ifantes de Carrion.
[CRONISTA]
El moro Abengalbon, mucho era buen barragan, 127
Con dozientos que tiene iba cabalgar;
Armas iba teniendo, parose ante los ifantes.
De lo que el moro dixo, a los ifantes no plaze.
[ABENGALBON]
2675 Dezidme que vos fize, ifantes de Carrion,
Yo sirviendovos sin arte y vos consejastes para mi muerte.
Si no lo dexase por mio Çid el de Bivar,
Tal cosa vos faria que por el mundo sonase,
Y luego llevaria sus fijas al Campeador leal;
2680 Vos nunca en Carrion entrariedes jamas.
Aqui me parto de vos como de malos y de traidores; 128
Ire con vuestra graçia, doña Elvira y doña Sol,
85
|
|