Que lo sepan en Galizia y en Castiella y en Leon
2580 Con que riqueza envio mios yernos amos a dos.
A mis fijas sirvades, que vuestras mugieres son;
Si bien las servides, yo vos rendre buen galardon.
[CRONISTA]
Atorgado lo han esto los ifantes de Carrion;
Aqui reçiben las fijas del Campeador.
2585 Compieçan a recibir lo que el Çid mando.
Quando son pagados a todo su sabor,
Ya mandaban cargar ifantes de Carrion.
Grandes son las nuevas por Valençia la mayor,
Todos prenden armas y cabalgan a vigor,
2590 Porque escurren sus fijas del Campeador a tierras de Carrion,
Ya quieren cabalgar, en espidimiento son,
Amas hermanas, doña Elvira y doña Sol,
Fincaron los hinojos ante el Çid Campeador.
[ELVIRA]
Merçed vos pedimos, padre, ¡si vos vala el Criador!
2595 Vos nos engendrastes, nuestra madre nos pario,
Delante sodes amos, señora y señor.
Agora nos enviades a tierras de Carrion,
Deudo nos es a cumplir lo que mandaredes vos.
[SOL]
Asi vos pedimos merçed nos amas a dos,
2600 Que hayades vuestros mensajes en tierras de Carrion.
[CRONISTA]
Abraçolas mio Çid y saludolas amas a dos.
El fizo aquesto, la madre lo doblaba. 125
[JIMENA]
Andad, fijas, d'aqui el Criador vos vala,
De mi y de vuestro padre bien habedes nuestra graçia.
2605 Id a Carrion do sodes heredadas,
Asi como yo tengo, bien vos he casadas.
[CRONISTA]
Al padre y a la madre las manos les besaban,
Amos las bendixeron y dieronles su graçia.
Mio Çid y los otros de cabalgar pensaban,
2610 A grandes guarnimientos, a caballos y armas.
Ya salien los ifantes de Valençia la clara,
Espiendose de las dueñas y de todas sus compañas.
Por la huerta de Valençia teniendo salien armas,
Alegre va mio Çid con todas sus compañas.
2615 Violo en los aueros el que en buen hora çinxo espada,
83
|
|