[JIMENA]
Grado al Criador y a vos Çid, barba bellida, 109
Todo lo que vos feches es de buena guisa,
No seran menguadas en todos vuestros dias.
[HIJAS]
2195 Quando vos nos casaredes bien seremos ricas.
[CID]
Mugier doña Ximena, grado al Criador, 110
A vos vos digo, mis fijas, doña Elvira y doña Sol.
D'este vuestro casamiento creçeremos en honor,
Mas bien sabed verdad que no lo levante yo,
2200 Pedidas vos ha y rogadas el mio señor Alfonso,
Atan firmemiente y de todo coraçon,
Que yo nulla cosa no le sope dezir de no.
Metivos en sus manos, fijas, amas a dos,
Bien me lo creades, que el vos casa, ca no yo.
CRONISTA
2205 Pensaron de adobar esora el palaçio, 111
Por el suelo y suso tan bien encortinado;
Tanta porpola y tanto xamed y tanto paño preçiado,
Sabor habriedes de ser y de comer en el palaçio.
Todos sus caballeros apriessa son juntados,
2210 Por los ifantes de Carrion esora enviaron,
Cabalgan los ifantes, adelante adeliñaban al palaçio
Con buenas vestiduras y fuertemiente adobados;
¡De pie y a sabor, Dios, que quedos entraron!
Reçibiolos mio Çid con todos sus vasallos,
2215 A el y a su mugier delante se le homillaron
E iban posar en un preçioso escaño.
Todos los de mio Çid tan bien son acordados,
Estan parando mientes al que en buen hora nasco.
El Campeador en pie es levantado.
[CID]
2220 Pues que a fazer lo habemos, ¿por que lo imos tardando?
Venid aca, Alvar Fañez, el que yo quiero y amo,
Afe amas mis fijas, metolas en vuestra mano,
Sabedes que al rey asi se lo he mandado,
No lo quiero fallir por nada de quanto ha hy parado,
2225 A los ifantes de Carrion dadlas con vuestra mano
Y prendan bendiçiones y vayamos recaudando.
[CRONISTA]
Estonçes dixo Minaya:
[MINAYA]
72
|
|