[CRONISTA]
Sobre el su caballo Babieca mio Çid salto daba.
[CID]
Aqui lo digo ante mio señor el rey Alfonso:
Qui quiere ir conmigo a las bodas, o reçibir mi don,
2130 D'aquende vaya conmigo; cuedo que el habra pro.
Yo vos pido merçed a vos, rey natural:
Pues que casades mis fijas, asi como a vos plaze, 105
Dad manero a qui las de, quando vos las tomades;
No se las dare yo con mi mano, ni dende no se alabaran.
[CRONISTA]
2135 Respondio el rey:
[REY ]
Afe aqui Alvar Fañez,
Prendedlas con vuestras manos y dadlas a los Ifantes,
Asi como yo las prendo d'aquende, como si fuese delante,
Sed padrino d'ellos a todo el velar;
Quando vos juntaredes conmigo, que me digades la verdad.
[CRONISTA]
2140 Dixo Alvar Fañez:
[MINAYA ]
Señor, afe que me plaze.
[CRONISTA]
Todo esto es puesto, sabed, en buen recaudo. 106
[CID]
Ya Rey don Alfonso, señor tan honrado,
D'estas vistas que hobiemos, de mi tomedes algo;
Trayovos veinte palafres, estos bien adobados.
2145 Y treinta caballos corredores, estos bien ensellados,
Tomad aquesto y beso vuestras manos.
[CRONISTA]
Dixo el rey don Alfonso:
[REY]
Mucho me habedes embargado;
Reçibo este don que me habedes mandado,
Plega al Criador con todos los sus santos, este plazer
2150 Que me feches, que bien sea galardonado.
Mio Çid Ruy Diaz, mucho me habedes honrado,
De vos bien so servido y tengome por pagado;
Aun vivo seyendo, de mi hayades algo.
A Dios vos acomiendo, de estas vistas me parto;
2155 Afe Dios del çielo que lo ponga en buen logar.
[CRONISTA]
70
|
|