De tan fieras ganançias como ha fechas el Campeador,
¡Si me vala San Esidro!, plazeme de coraçon
Y plazeme de las nuevas que faze el Campeador;
Reçibo estos caballos que me envia de don.
[CRONISTA]
1345 Maguer plogo al Rey, mucho peso a Garçi Ordoñez.
[DON GARCIA]
Semeja que en tierra de moros no ha vivo homne,
Quando asi faze a su guisa el Çid Campeador.
[CRONISTA]
Dixo el Rey al conde:
[REY]
Dexad esa razon,
Que en todas guisas mejor me sirve que vos.
[CRONISTA]
1350 Fablaba Minaya hy a guisa de varon.
[MINAYA]
Merced vos pide el Çid, si vos cayese en sabor,
Por su mugier doña Ximena y sus fijas amas a dos,
Saldrien del monesterio do el las dexo
E irian para Valençia al buen Campeador.
[CRONISTA]
1355 Eshora dixo el Rey:
[REY]
Plazeme de coraçon.
Yo les mandare dar conducho mientra que por mi tierra fueren,
De fonta y de mal curialdas y de deshonor;
Quando en cabo de mi tierra aquestas dueñas fueren,
Catad como las sirvades vos y el Campeador.
1360 Oidme, escuelas y toda la mi corte:
No quiero que nada pierda el Campeador;
a todas las escuelas que a el dizen señor,
Porque los desherede, todo se lo suelto yo;
Sirvanle sus heredades do fuere el Campeador,
1365 Atregoles los cuerpos de mal y de occasion,
Por tal fago aquesto que sirvan a su señor.
[CRONISTA]
Minaya Alvar Fañez las manos le beso.
Sonrisose el Rey, tan bellido fablo.
[REY]
Los que quisieren ir sevir al Campeador
1370 De mi sean quitos y vayan a la graçia del Criador;
[MINAYA]
47
|
|